Бензема доби „корпа“ од Алжир

Карим Бензема се закани на француската репрезентација и побара да добие дозвола да заигра за алжирската репрезентација.

Напаѓачот на Реал Мадрид изјави дека е подготвен да се докаже во дресот на нова репрезентација, бидејќи веќе не го сакаат во Франција. Бидејќи е со алжирско потекло, тој може да се обиде да добие право да го носи дресот само на северноафриканската репрезентација.

Сепак, селекторот Џамел Белмади јавно ја отфрли таквата можност и изјави дека нема потреба од Бензема.

„Задоволен сум од играчите што ги имам. Ги имам Багдад Бундеја, Ислам Слимани, Енди Делор и Хилал Судани“, изјави селекторот на Алжир.

Напаѓачот не добил повик за „петлите“ од 2015 година, кога беше под истрага за уцена на неговиот соиграч Матју Валбуена.