Беневенто сака сензација, „вештерките“ спремни да доведат хрватски и српски репрезентативец!

Беневенто е последен на табелата во Серија А и има „само“ седум освоени бодови.

„Само“ бидејќи до недодаман тие беа единствената екипа без ниту еден освоен бод во Европа. После неколку добри настапи „вештерките“ ги зголемија апетитите и сакаат да се засилат за продолжение од сезоната со цел да направат сензација и да успеат да се задржат во Серија А, што би било еднакво на чудо.

Имено, на мета на Беневенто се Никола Максимовиќ и Марко Рог.

Како би стигнале до овие двајца фудбалери?

Преку Фадиљ Рамадани. Познатиот менаџер кој се обидува да се вовлече и во Беневенто. Оваа информација ја пренесе „Il Matino“ кој секогаш има одлични извори, па поради тоа трансферот на овие два балкански фудбалери во зимскиот преоден рок е сосема реален.