Белингам мора на операција!?

Џуд Белингам оваа сезона е убедливо најдобриот фудбалер на Реал Мадрид, но тренерот Карло Анчелоти ги загрижи фановите.

Англичанецот има проблем со рамото и работи специфична терапија, но Анчелоти призна дека во иднина можно е да биде потребна операција.

„Неговото рамо е нешто за што треба добро да се грижи за да го зајакне. Нема никакви проблеми со играта поради ова, секој ден се подобрува. Во моментов таква операција е исклучена, но неговото рамо е многу трауматично. Ако ова се повтори, тогаш сигурно ќе биде потребна операција“, изјави Анчелоти.

Белингем на почетокот на ноември заработи повреда на рамото од која се опорави, но проблемот се уште не е решен.