Белингам ги одбил Челзи и ПСЖ

Англиската ѕвезда Џуд Белингам одбил две официјални понуди – од Челзи и ПСЖ, тврди германскиот „Спорт“.

Ѕвездата на Борусија Дортмунд е голема желба на многу европски гиганти, но тој се уште не донел конечна одлука за иднината.

Белингам исто така ја одби понудата за Бортмунд за нов договор со значително повика плата, па јасно е дека ќе ја промени средината на крајот на сезоната.

Белингам го одбил ПСЖ бидејќи не сака да игра во француското првенство, додека на Челзи му кажал НЕ поради нејасната иднина на клубот.

Најсилен интерес за него покажуваат Реал Мадрид, Ливерпул и Манчестер Јунајтед, а Борусија за неговата слобода бара најмалку 100 милиони евра.