Бекот на Атлетико Мадрид мета на „старата дама“

„Старата дама“ по Марио Манџукиќ и Марко Пјаца би можел да доведе и трет Хрват и тоа од редовите на Атлетико Мадрид.

Станува збор за Шиме Вршаљко за кого подол период интерес покажува тимот на Наполи. Вршаљко не е задоволен од минутажата која ја добива кај Диего Симеоне, па поради тоа наскоро би можел да се врати во Серија А каде што некогаш го носеше дресот на Сасуоло.

Според „Калчомеркато“ Јувентус му ја нуди позицијата на десната страна, но има една препрека. „Старата дама“ прво ќе мора да се ослободи од Стефан Лихштајнер, швајцарскиот репрезентативец, на кого договорот му истекува во тековната сезона.

Швајцарецот би сакал да замине од Торино, но во овој момент нема задоволувачка понуда, па средината веројатно ќе ја промени во летниот преоден рок.