Барселона ја следи ситуацијата со Обамејанг

Барселона внимателно ја следи ситуацијата со напаѓачите на Арсенал, Обамејанг и Лаказет, пренесуваат каталонските медиуми.

Во последните денови се шпекулира дека двајцата ќе бидат ставени на трансфер листа, а Барселона е спремна да испрати понуда за Обамејанг.

Барселона има потреба да го засили нападот после заминувањето на Меси. Новото засилување Серхио Агуеро се повреди и ќе го пропушти почетокот на сезоната.

Токму поради тоа Барселона во Обамејанг гледа идеално засилување, бидејќи неговата цена не е висока во моментов.

Првичната идеја на Каталонците е да го донесат напаѓачот на позајмица со право на откуп следното лето.