Барселона тргнува по гермнаскиот репрезентативец

Раководството на Барселона е заинтересирано за ѕвездата на Баерн Минхен и германски репрезентативец, Џошуа Кимих, пренесуваат каталонските медиуми.

„Мундо Депортиво“ пренесува дека Барселона веќе подолго време ги следи настапите на 24-годишниот Германец и сака да го доведе на „Камп Ноу“ пред се бидејќи е поливалентен играч кој може да игра на повеќе позиции во тимот.

Кимих оваа сезона игра одлично во дресот на Баерн Минхен и на вкупно 32 натпревари за баварскиот грб постигна два погодоци на кои придодаде дури 13 асистенции.

Баерн на лето ќе прави реконструкција на тимот и ќе им ја отвори излезната врата на неколку фудбалери, но ќе направи се за да го задржи Кимих во својот тим.

Баварците во него гледаат иднина на клубот и се спремни да ја одбијат секоја понуда, па поради тоа Барселона тешко ќе стигне до неговиот потпис.