Барселона отпиша четворица, се чекаат две ѕвезди

Ернесто Валверде има план, Барселона до крајот на транфср периодот мора да ослободи четворица играчи и да во тој случај да купи двајца.

Клубот мора да доведе лев бек, алтернатива за Алба. И понатаму актуелен е Жуниор Фирпо, играчот од Доминиканската Република кој дебитираше за Шпанија. Барса е во добри односи со Бетис, но нема да ја плати клаузулата, нудат 25 милиони евра и тоа со бонуси што од Бетис го одбија.

Другата варијанта е Филип Макс, левиот бек на Аусбург, а се појави и ново име. Станува збор за Алекс Морено, искусниот фудбалер на Рајо. Тој беше стандарден минатата сезона кога тимот од Мадрид испадна од лигата, чини десет милиони евра, доведен е во врска со неколку клубови од Премиер лигата.

Што се однесува на останатите во тимот, Барса не се откажува од Нејмар. Валверде смета, ако го купат Бразилецот, Кутињо, Ракитиќ, Рафиња и Малком мора да го напуштат клубот. Прво двајцата Барса им ги нуди на ПСЖ, Малком на крајот ќе мора да го позајмат, бидејќи никој не сака да плати 40 милиони евра, а Рафиња по повредата е на маргини.

Работата со Нејмар е далеку од завршување, ПСЖ не брза, продолжува да троши пари, а и ако го купат Кутињо и Ракитиќ, нивната проценка на цената на двајцата играчи значително се разликува од таа на Барса. Она што останува е дека Барселона нема пари, и дека ако ПСЖ не се согласи на трампа, тешко дека Нејмар ќе се врати на „Камп Ноу“.