Барселона не се откажува од Амрабат

Барселона не се откажува од намерата да го доведе играчот за врска на Фиорентина, Софијан Амрабат, пренесуваат шпанските медиуми.

Барселона се обиде да го доведе 26-годишниот Мароканец уште во јануари, но Фиорентина не го пушти.

Сега Мароканецот потврди дека ќе ја промени средината и се прости од Фиорентина, која за неговата слобода бара 25 милиони евра.

Чави е во потрага по замена за Бускетс, а едно од имињата на списокот е токму Амрабат.

Играчот преферира преселба на Камп Ноу, иако има и други понуди, па на Барселона нема да и биде тешко да ја победи конкуренцијата.