Барса ја сака ѕвездата на Лестер

Барселона е силно заинтересирана за турскиот репрезентативец и член на Лестер, Чаглар Сојунчу, потврди агентот на фудбалерот.

Сојунчу игра одлична сезона во дресот на Лестер и го привлече вниманието на многу европски гиганти.

Агентот на турскиот интернационалец, Мустафа Догру потврди дека Барселона е заинтересирана за дефанзивецот.

Можно е Чаглар да игра за Барселона ова лето. Барселона се интересираше за него и од порано. Преговаравме со нив и ни презентираа проект, но мислевме дека требаше да одиме во тим каде што ќе игра перманентно. Поради тоа, одлучивме дека тогаш беше рано за толку голем клуб“, изјави агентот.

Сојунчу во 2018 година премина во Лестер од Фрајбург за 19 милиони фунти, а покрај Барса интерес за него покажуваат уште Ливерпул, ПСЖ и Манчестер Сити.