Младиот талент на Пари Сент Жермен, Едуар Мишу е на мета на неколку европски гиганти.
Манчестер Сити, Јувентус и Барселона веќе подолго време го следат 17-годишниот талент и веќе испратиле понуди до неговиот агент.
Кој ќе тепа на Ел Класико!? ↓↓↓
Мишу во Франција го споредуваат со Марко Верати и ПСЖ прави се за да го задржи, но ќе мора да ја победи конкуренцијата. Барселона е најсилено заинтересирана бидејќи сака да им се „одмазди“ на „светците“ за тоа што им го „украдоа“ Чави Симонс.
Мишу уште нема професионален договор и може да бира за кој клуб ќе потпише на лето, а спортскиот директор на ПСЖ, Леонардо се обидува да го убеди да остане во Париз.
Не е исклучено до крајот на сезоната Томас Тухел да му даде шанса на Мишу да дебитира во Лига 1, бидејќи младиот играч за врска неколку пати доби повик со првиот тим.