Барса продава тројца за да го донесе Пјаниќ

Доаѓањето на Миралем Пјаниќ во Барселона станува сè поизвесно, што го потврдуваат и честите написи за медиуми во последниве денови и во Шпанија и во Италија.

Барселона ова лето планира целосна реконструкција на средниот ред, па готово сигурно клубот ќе го напуштат Артуро Видал, Ракитиќ и Артур Мело.

Пјаниќ е долгогодишна желба на Барселона и треба да го комплетира средниот ред заедно со Бускетс и Де Јонг.

Видал и Ракитиќ се на излезна врата и со оглед на нивната возраст и договорите, клубот нема да може многу да инкасира од нивната продажба.

Најголема вредност во моментов има Артур, кој би требало да заврши во Јувентус како дел од трансферот на Миралем Пјаниќ.