Барса му нуди 7 милиони на Суарез за да замине, тој сака повеќе

Барселона има потешкотии да се договори со напаѓачот Луис Суарез за раскин на договорот, пренесува „Мундо Депортиво“.

Имено, Каталонците му нудат на Суарез отштета од 7 милиони евра, на таа сума не ги задоволува апетитите на Уругваецот.

Претходно беше објавено дека Суарез сака каталонскиот клуб да му исплати платата за преостанатата година според договорот, околу 14 милиони евра.

Разврска на преговорите чека Атлетико Мадрид, бидејќи според последните информации Суарез веќе се договорил со „јорганџиите“.

Меѓутоа, Атлетико ќе потпише со напаѓачот само доколку тој го раскине договорот со Барселона и на „Ванда Метрополитано“ се пресели како слободен агент.