Барса и Баерн фаворити за потписот на Де Лихт

Барселона се смета за фаворит за привлекувањето на капитенот на Ајакс Матијас де Лихт, а на врвот на листата кандидати за негоиот потпис е и Баерн Минхен, пренесува каталонски „Спорт“.

Весникот тврди дека овие два клуба се во пол-позиција за потписот на Де Лихт, иако Јувентус веќе подолго време е во контакт со неговиот менаџер Мино Раиола.

Недамна претседателот на Барселона, Жосеп Марија Бартомеу јавно потврди дека се заинтересирани за 19-годишниот дефанзивец.

„Трансфер на Де Лихт? На крајот на месец март ќе ги правиме плановите за трансфер пазарот, но неговото име сигурно ќе биде на маса“, призна претседателот на Барселона,Бартомеу.

19-годишниот Холанѓанец важи за еден од најперспективните дефанзивци во Европа и е на мета на многу европски гиганти.

Ајакс за слободата на Де Лихт бара најмалку 50 милиони евра, сума која Барселона нема да има проблем да ја плати. Притоа, познато е дека двата клуба имаат одлични односи што се покажа при трансферот на Френки де Јонг.

Баерн на лето ќе прави реконструкција на одбраната и одреди огромен буџет за засилувања, па Баварците исто така веќе равотат на трансферот на Де Лихт.

Barcelona are optimistic they are favourites to sign Matthijs de Ligt but the Catalans are wary of Bayern who have spoken to Ajax and made it clear that they are interested in signing the defender in the summer. Juventus meanwhile no longer prioritise de Ligt [Sport] pic.twitter.com/xHP0MbJuKh

— Bayern & Germany (@iMiaSanMia) March 8, 2019