Барса испрати понуда за 17-годишен „вундеркинд“ (видео)

Барселона веќе подолго време го скаутора младиот Карим Адежеми, германски фудбалер кој настапува за австриски Лиферинг.

Карим оваа сезона настапува во втората австриска лига и покажува неверојатни партии, па го привлече вниманието на многу европски гиганти.

Овој 17-годишен напаѓач е во сопственост на Салцбург, кој планира да си го врати во своите редови веќе во јануари, а за неговиот потпис бара огромна сума пари.

Покрај Барселона, интерес за младиот напаѓач покажуваат уште Арсенал и Ливерпул, кои сакаат да го купат талентот уште во јануари.

Меѓутоа, најконкретна е Барселона која веќе испрати прва понуда од 15 милиони евра. Салцбург веднаш ја одби истата бидејќи за слободата на својот „бисер“ бара двојно повеќе.