Барса го „заштити“ Бускетс со клаузула од 500 милиони

Шпанските медиуми веќе неколку дена тврдат дека Пари Сент Жермен е силно заинтересиран за Серхио Бускетс, па тоа очигледно го запали „алармот“ кај Барселона.

Имено, денес „Мундо Депортиво“, весник кој е секогаш добро информиран за случувањата во Барселона, тврди дека е постигнат договор и наскоро Бускетс ќе потпише нов договор.

Весникот тврди дека сите детали се договорени и дека откупната клаузула на 30-годишниот играч за врска ќе изнесува 500 милиони евра, со што Барса ќе се заштити од нападите на ПСЖ.

Официјалното потпишување на новиот договор е закажано за септември. Бускетс ќе добие значително зголемување на платата, но точните бројки се уште не се откриени.