Балотели ништо не одлучил: Не знам каде ќе играм следната сезона

Италијанскиот напаѓач, Марио Балотели денес порача дека се уште не одлучи каде ќе игра наредната сезона.

Балотели овие денови е во центарот на вниманието и сите очекуваат тој да се врати во Италија, а се споменуваше и Борусија Дортмунд (наредна сезона ќе ја води неговиот сегашен тренер во Ница) како можна следна дестинација.

Самиот Балотели со денешната изјава порача дека се уште ништо не одлучил.

„Пред последниот натпревар во сезоната на „Алијанц Ривера“ преполн сум со емоции. Како и да е не знам каде ќе играм следната сезона. Доколку заминам сигурно ќе бидам тажен“, изјави Балотели.