Баерн спрема нова понуда за ѕвездата на Челзи

Европскиот шампион Баерн Минхен го обнови интересот за талентот на Челзи, Калум Ходсон-Одој, пренесува „Скај Спорт“.

Баварците испратија неколку понуди за 19-годишниот крилен фудбалер уште во јануари, а последната понуда беше 35 милиони фунти.

Меѓутоа, Челзи ги одби сите понуди и успеа да го убеди младиот фудбалер да стави потпис на нов долгогодишен договор.

Челзи значително се засили во летниот преоден рок, па јасно е дека Ходсон-Одој нема да има голема минутажа оваа сезона, и поради тоа инсистира да го напушти клубот.

„Сините“ сакаат да го испратат талентот на едногодишна позајмица, без опција за откуп, но таквата оција Баерн не ја прифака бидејќи сака да го купи талентот во перманентен трансфер.