Баерн Минхен прави изненадувачки трансфер

Баерн поради повреда остана без стандардниот играч Дајот Упамекано, па клубот е принуден да бара брзо решение.

Германските медиуми пренесуваат дека Баварците можат да го ангажираат искусниот стопер, Сократис Папастатопулос.

Искусниот грчки дефанзивец има 35 години и е без клуб, што значи дека Баерн може веднаш да го потпише и да смета на неговите услуги.

Сократис е многу искусен фудбалер кој има 90 настапи за националниот тим на Грција, а во кариерата играше за АЕК, Ники Волас, Џенова, Милан, Вердер, Борусија Дортмунд и Арсенал.

Во Баерн би дошол без обештетување, а Баварците му нудат договор до крајот на сезоната.