Баерн донесе конечна одлука за Хамес Родригез!

И покрај големите шпекулации за иднината на Хамес Родригез, се чини дека Колумбиецот ќе остане во Баерн Минхен.

Хамес е на позајмива во Минхен од Реал Мадрид, а Баватците на крајот на сезоната ќе имаат шанса да го откупат неговиот договор за 42 милиони евра.

Во последните неколку месеци се говореше дека двете страни нема да ја продолжат соработката, но претседателот на Баварците, Румениге тврди дека клубот сигурно ќе го откупи Колумбиецот.

„Имаме време до 15-ти јуни да ја активираме клаузулата. Сигурен сум дека Хамес ќе остане во Баерн. Сакам да биде јасно, сите во клубот се радуваат што играчот е тука. Хамес е вистинска ѕвезда во фудбалскиот свет. Нема проблеми помеѓу него и тренерот Нико Ковач“, изјави Румениге.

Хамес пристигна во Минхен во 2017 година,а оваа сезона има само 15 настапи во Бундеслигата на кои постигна 3 гола.

За Колумбиецот постои огромен интерес од европските гиганти, па неговата цена во моментов изнесува помеѓу 60 и 70 милиони евра.

Поради тоа не е јасно дали Баерн ќе го откупи за да го задржи на „Алијанц Арена“ или да го препродаде на трет клуб, со што би заработил поприлично добра сума.

KHR on James: "I'm confident that he will be a Bayern player next season. Everyone is happy with him. I'm a fan of him. He has an incredible left foot and is an absolute world star. I'm sure Niko sees his qualities and is happy with him. I don't think they had a problem" [AZ] pic.twitter.com/qepn6FQLWg

— Bayern & Germany (@iMiaSanMia) March 8, 2019