Баерн донел одлука, Боатенг заминува од Минхен

Во Баерн Минхен одлучиле да не му понудат нов договор на Жером Боатенг, па фудбалерот ќе може да го напушти клубот на крајот од сезоната како слободен играч.

Најголем дел од германските медиуми пишуваат дека ваква одлука се донела на состанокот на директорите на баварскиот гигант, истата веќе била и соопштена на менаџерот на 32 годишниот фудбалер.

Кариерата Боатенг ја започна во Херта, а играше уште за Хамбургер и Сити. Во Баерн пристигна во 2011 година и ја минува десеттата сезона во бундеслигашот за кој собра 354 настапи и постигна 10 гола.
Баерн за неговите услуги на Сити му плати 13.5 милиони евра.

На клупски план Боатенг освои се што можеше да се освои, а во 2014 година со Германија беше светски шампион.