Баерн го стави Хумелс на продажба, Челзи прв застана во редот!

Баерн Минхен на лето спрема голема реконструкција на тимот. Ќе пристигнат неколку нови ѕвезди, но и на неколкумина ќе им биде отворена излезната врата.

Како што е веќе познато Франк Рибери и Арјен Робен ја играат последната сезона, но покрај нив уште неколку други ѕвезди ќе бидат продадени.

Германските медиуми пренесуваат дека раководството донело одлука на трансфер листа да го стави и дефанзивецот Матс Хумелс. Германецот не ги оправда очекувањата откако пристигна од Борусија Дортмунд, притоа е во конфликт со тренерот Нико Ковач.

Баварците за слободата на Хумелс бара 35 милиони евра, сума која се спремни да ја платат многу европски гиганти. Сепак, најсилен интерес покажува Челзи, кој во Хумелс гледа идеален наследник на Давид Луиз.