Баерн го договорил првото летно засилување

Баерн Минхен и германскиот играч за врска Конрад Лајмер се договориле за трансфер во 2023 година.

Лејмер се уште е фудбалер на РБ Лајпциг, но бидејќи договорот му истекува на крајот на сезоната, тој ќе може слободно да избере нова средина на лето, а тоа ќе биде Минхен.

Лајпциг направи се за да го задржи. Му го понудиле и најбогатиот договор во историјата на клубот, но тој го одбил бидејќи неговата желба била да игра за Баерн.

Јулијан Нагелсман се обидуваше да го доведе и во минатиот преоден рок, двајцата добро се познаваат од периодот кога Нагелсман беше тренер на Лајпциг.

Лејмер летово го бараше и Ливерпул, но тој беше подготвен да чека една година за трансфер во Баерн.