Асенсио бара гаранции од Клоп за да се пресели во Ливерпул

Шпанските медиуми пренесуваат дека Ливерпул е силно заинтересиран за ѕвездата на Реал Мадрид, Марко Асенсио.

Ливерпул го доведе Дарвин Нуњес како најскапо засилување во историјата, но Клоп го сака и Асенсио во кого гледа идеална замена за Мане.

Асенсио влегува во последната година од договорот, па Реал е спремен да го продаде, а Ливерпул сака да ја искористи ситуацијата.

Шпанецот е во потрага по клуб каде ќе има поголема минутажа, но не е сигурен дека во Ливерпул ќе има главна улога во тимот, бидејќи игра на истата позиција како Салах.

Клоп веќе стапил во контакт со агентот на фудбалерот и ќе се обиде да го убеди да ја прифати понудата, но во моментов Асенсио преферира да се пресели во клуб каде ќе има загарантирано место во првиот тим.