Артета и Рашфорд најдобри во Премиер лигата во јануари

Трет пат оваа сезона, менаџерот на Арсенал, Микел Артета ја доби наградата за менаџер на месецот во Премиер лигата, додека Рашфорд по вторпат е прогласен за играч на месецот. .

Микел Артета е првиот менаџер на Арсенал кој три пати во една сезона ја освоил наградата за менаџер на месецот, откако беше најдобар во август и за периодот ноември/декември во тој период наградата се додели за два месеци поради почетокот на Светското првенство.

Во јануари Арсенал освои седум од можни девет бода. Започна со нерешено со Њукасл, по што следеа победи против Тотенхем и Манчестер Јунајтед.

Во четирите натпревари кои Јунајтед ги одигра во јануари, Рашфорд постигна гол на три од нив, вклучувајќи го и оној за победа во дербито против Манчестер Сити.

Претходно напаѓачот беше прогласен за играч на месецот во септември.