Артета ги разочара фановите: Очекува мирен преоден рок

Новиот менаџер на Арсенал, Микел Артета очекува мирен трансфер период за лондонскиот клуб.

Арсенал не игра добро оваа сезона, па навивачите очекуваа значително засилување на тимот во зимскиот преоден рок, но Артета ги разочара денес со својата изјава.

Артета истакна дека не очекува големи транасфери оваа зима на „Емирати“, иако не исклучи дека клубот ќе биде активен.

„Доколку најдеме нешто што може да ни помогне за време на сезоната, ќе ги разгледаме опциите, но мора да кажам дека не очекувам големи работи во тој поглед. Очекувам големи работи од играчите кои ги имам во овој момент, играчите кои се опоравуваат од повредите. Тоа се најголемите очекувања од моја страна“, истакна Артета, кој уште еднаш потврди дека Обамејанг мора да остане во тимот.