Артета во Минхен пронајде идеално засилување

Ангиските медиуми пренесуваат дека Арсенал е сериозно заинтересиран за францускиот репрезентативец и член на Баерн Минхен, Корентин Толисо.

25-годишниот играч за врска минатата сезона подолго време беше надвор од терените поради повреда на коленото, оваа сезона често добива шанса за настап, но Баерн е спремен да го стави на продажба на крајот на сезоната.

Толисо пристигна на „Алијанц Арена“ во 2017 година од Лион за 40 милиони евра, а Баерн планира да ја врати приближно вложената сума.

Таквата ситуација сака да ја искористи Арсенал, бидејќи тренерот Артета смета дека Французинот би бил идеално засилување за средниот ред.

Сепак, „топџиите“ ќе треба да ја победат конкуренцијата бидејќи за Толисо заинтересирани се уште Атлетико Мадрид и Јувентус.