Арсенал и Милан се борат за потписот на Боатенг

Германскиот дефанзивец Жером Боатенг веќе подолго време е на излезна врата од Баерн Минхен, а трансферот конечно би требало да се реализира во јануари.

За Боатенг веќе одамна нема место во првиот тим на Баерн и прашање е на време кога ќе си замине. 

Германецот се поврзуваше со трансфер во Арсенал, а сега италијанските медиуми пренесуваат дека неговиот агент започнал преговори со Милан.

Милан е во потрага по искусен дефанзивец во зимскиот преоден рок, особено откако Калдара беше испратен на позајмица во Аталанта.

Баерн за слободата на Боатенг бара 5 милиони евра, па останува да видиме дали ќе се пресели во Милано или Лондон.