Анчелоти повторно се враќа во Англија – Го превзема гигантот од Лондон?

Баварците доживеаа тежок пораз во шампионатот, уште во третото коло, од екипата на Хофенхајм, но се почесто се вели дека ова би можело да биде последна сезона за Карло Анчелоти на клупата на тимот од „Алијанц Арена“.

Се пишуваше дека уште во јануари би можел да ја напушти, за да го наследи Томас Тухел, но тоа изгледа како малку веројатно. Логичкиот епилог би бил Анчелоти да ја напушти екипата на крајот на сезоната, без оглед на тоа што ќе се случи на крајот, а Баерн на неговото место да го постави еден од најталентираните светски тренери, Јулиан Нагелсман, 29-годишниот стратег кој минатиот викенд го надигра токму Баерн.

Што се однесува до Анчелоти, англиските медиуми пренесуваат дека би можел да се врати во Премиер лигата, каде што со голем успех го тренираше Челзи. Тој со „Сините“ во сезоната 2009/10 ја освои Премиер лигата, Комјунити Шилд и ФА Куп, а сега би можел да седне на клупата на Арсенал.

Венгер ова лето потпиша нов двегодише договор со клубот, но „Топчиите“ не блескаат оваа сезона, доживеаа пораз од Стоук и дебакл од Ливерпул во првите четири кола, тоа би можело да го натера Венгер да се повлече од местото на крајот на оваа сезона.