Англиските гиганти се „тепаат“ за Осимен

Напаѓачот на Наполи, Виктор Осимен ќе биде жешка тема на лето бидејќи Премиерлигашите ќе се „тепаат“ за неговиот потпис.

Осимен се етаблираше во еден од најдобрите напаѓачи во Европа и оваа сезона е прв стрелец во Серија А со 17 гола на 18 меча.

За него силен интерес покажува Манчестер Јунајтед, но сега во трката за неговиот потпис се приклучија Челзи и Ливерпул.

Сепак, Наполи нема лесно да се откаже од него и за слободата на Осимен бара 140 милиони евра.

Споменатите клубови се спремни да понудат 100 милиони евра за неговиот потпис, па сигурно ќе гледаме голема трансфер битка на лето.