Алегри убеден: Замена за Бонучи не ни е потребна!

Како што е познато Леонардо Бонучи дресот на Јувентус го замени со оној Милан.

Заминувањето на Бонучи можеби и беше очекувано после конфликтот кој фудбалерот го имаше со Масимилијано Алегри. Сепак, сигурно дека никој не очекуваше Италијанецот да го избере токму Милан.

Иако Бонучи во претходните сезони беше еден од најстандардните играчи на Јувентус, Алегри не размислува за тоа да доведе нов централен дефанзивец. Тренерот на актуелниот шампион на Италија изјави дека замена не му е потребна бидејќи веќе има неколку одлични играчи на располагање.

„Она што во овој момент го имаме кога се дефанзивците во прашање е сосема доволно. Замена за Бонучи не ни е потребна. Бидејќи имаме квалитни дефанзивци. Единствено можеби да доведеме некого ако ни се отвори некоја супер прилика, но нема да се расфрламе со пари“, изјави Алегри.