Алвес: Ако сега имам еден, два или три милиони повеќе ништо нема да ми значат, спомените остануваат

Дани Алвес минатиот месец се врати во Барселона и прифати да игра за најниската дозволена плата.

Легендарниот Бразилец ќе игра во Барселона која е во голема финансиска криза и ќе заработува околу 150.000 евра по сезона. Некогаш во истиот клуб заработуваше милиони, а сега објасни зошто прифатил да игра за такви финансиски услови.

„Целиот фудбалски свет е фокусиран само на пари, но јас не сум. Знаето зошто? Зошто претходно не сум имал пари и знам што тоа значи. Ако сега имам еден, два или три милиони повеќе тоа нема да ми значи ништо“.

„Дали во животот е важно да имаме јахти, приватни авиони, скапоцени автомобили? Ништо од тоа нема да носиме со себе кога ќе заминеме од овој свет. Единствено што останува се спомените и сеќавањето на убавите моменти“, порача Алвес.

Во клубот е вратен за да помогне во тешката ситуација.

„И Чави и јас одлучивме да се вратиме кога сме потребни на клубот, двајцата поминавме низ слични ситуации и знаеме што значи. Чави како играч неколку пати искуси нешто слично на ова. Потоа искуси и нешто грандиозно и преубаво, сега како тренер се враќа во деликатен момент“, истакна Бразилецот.