„Аларм“ од Мадрид: Симеоне наскоро добива отказ!?

И Диего Симеоне наскоро би можел да остане без клуб.

Во псоледниот период голем број тренери ширум Европа останаа без ангажман откако добија отказ во своите клубови, а сега шпанските медиуми најавуваат дека Симеоне може да го снајде таква судбина.

Диего долги години работи во Атлетико и ќе биде навистина необично да не го гледаме повеќе на таа позиција, но „Марка“ тврди дека тој од поодамна не е во добри односи со челниците на клубот поради некои одлуки.

Атлетико во овој момент е шести на табелата во Ла Лига, неодамна изгуби од Барселона, а евентуален кикс против Виљареал би значело дека Симеоне е на излезни врати од „Ванда Метрополитано“.

Во случај Симеоне да добие отказ сигурно доколку сака може брзо да се врати на тренерската работа. Медиумите најавуваат дека ако Атлетико го отпушти Симеоне по него ќе тргнат Манчестер Јунајтед, ПСЖ, Милан, Арсенал, се споменува дури и Барселона…