Алаба: И со пораз од Македонија шансите нема да бидат загубени

Давид Алаба неодамна направи трансфер во редовите на Реал Мадрид, а сега е фокусиран на репрезентацијата на Австрија со која ќе игра заедно во група со Македонија на Европското првенство.

Австрија ќе биде првиот противник на Македонија на 13. јуни во Букурешт и Алаба смета дека тој натпревар е навистина важен.

„Натпреварот со Македонија е многу важен. Мораме да влеземе во ритам и да ја вратиме самодовербата. Меѓутоа и да изгубиме од Македонија нашите шанси нема да бидат загубени“, изјави Алаба.

Покрај Австрија како што е познато во нашата група се уште Украина и Холандија.