„Ако Сити го доведе Диего Коста ќе ја освои Премиер лигата“

Поранешниот фудбалер на Манчестер Сити, Мика Ричарс смета дека „граѓаните“ треба да го доведат Диего Коста.

Според Ричарс најдобро решение во овој момент за нападот на Сити е Диего Коста кој од почеткот на јануари веќе не е член на Атлетико Мадрид.

„Кога Сити во 2012 година ја освои титулата имаше четворица врвни напаѓачи (Џеко, Балотели, Тевез и Агуери) и сите имаа голем придонес во шампионскиот трофеј. Во овој тим има само еден напаѓач кој е замена за Агуеро кој па често пати е надвор од теренот поради повреда. Манчестер Јунајтед го доведе Кавани иако тој има 33 години“.

„Кавани е различен калибар и од останатите офанзивци на Јунајтед и токму тоа треба да го направи Гвардиола Ако тоа го направи мислам дека ќе го освојат трофејот оваа сезона“, изјави Ричарс.