Азар е мајстор, но штета е што нема со кој да игра

Еден Азар е еден од најдобрите техничари во денешниот фудбал и некако се чини дека во Челси од своите соиграчи не добива адекватна поддршка.

Фантастичниот Белгијанец кога се разигра на теренот едноставно е незапирлив за своите чувари. Така беше на натпреварот против Ливерпул. Азар имаше свој момент на магија. На почетокот на второто полувреме, Белгијанецот 15. секунди се поигруваше со одбраната на Ливерпул и на крајот успеа да шутне од тешка позиција.

Интересно е да се види како ниту еден играч не му се понуди да помогне, освен Бакајоко чија улога во акцијата скоро беше и небитна. Во еден момент можеше да ја додаде топката до Фабрегас, но тој не покажа никаква амбиција.

Челси, посебно оваа сезона, често се ослонуваше на индивидуалниот квалитет на Еден Азар, кој можеби ги брои последните денови на Стемфорд Бриџ.