„Адидас“ го носи Меси во Серија А

Лионел Меси ова лето сакаше да ја напушти Барселона, па најверојатно Аргентинецот ја игра последната сезона на „Камп Ноу“.

Главен фаворит за потписот на Меси е Манчестер Сити, а компанијата „Адидас“ бара начин како да го донесе Аргентинецот во Серија А.

Меси е заштитно лице на „Адидас“ па компанијата сака да го донесе во клуб кој има договор со таа компанија, а во пол-позиција е италијански Јувентус.

„Старата дама“ е спремна да се ослобиди од Роналдо, кој годишно заработува 31 милион евра, и со помош на „Адидас“ да го донесе Меси така што ќе му понуди 40 милиони евра по сезона.

Планот е 25 милиони евра да ги дава Јувентус, а останатите 15 да ги обезбеди компанијата „Адидас“.

Иста толкава сума нуди и Манчестер Сити,кој е во предност поради добриот однос меѓу Гвардиола и Меси.