Агуеро ќе ја плати цената за бунтот против Сампаоли

Бунтот на неколку од ѕвездите на Аргентина против Сампаоли не успеа и тоа ќе ги чини неколку фудбалери со местото во стартниот тим за мечот против Нигерија.

Медиумите пренесуваат дека напаѓачот на Манчестер Сити, Серхио Агуеро е еден од најсилните противници на Сампаоли и дури зборувал со претседателот на Федерацијата, Клаудио Тапија за селекторот да биде сменет. Меѓутоа Федерацијата го поткрепи Сампаоли, кој сега ќе го тргне Кун од стартниот тим.

Се очекува Агуеро да биде на клупата, а во стартниот тим на негово место да започне Гонзало Игуаин. Голманот Кабаљеро кој направи неколку грешки на претходниот меч исто така ќе биде сменет од стартниот тим со Франко Армани.

Анхел ди Марија и Евер Банега се другите фудбалери кои ќе бидат во стартниот тим на местото на местото на Маркос Акунија и Енцо Перез.