Јувентус – Реал Мадрид, веројатни состави

Јувентус вечерва гостува во Мадрид и ќе има навистина пеколно тешка, за многумина и невозможна мисија да ја анулира предноста на Реал Мадрид од првиот натпревар во Торино 0:3.

Кога станува збор за вечерашните состави, важно е да се спомене дека Реал не ќе може да смета на Серхио Рамос, а Јувентус на Паоло Дибала и Родриго Бенткур. Во првиот состав на Јувентус се очекува да биде и Миралем Пјаниќ кој во првиот натпревар одработуваше суспензија.

За Кристиано Роналдо ова ќе биде 150 натпревари во Лигата на шампионите и ќе има прилика да дојде до 99 победа со што би станал фудбалерот со најмногу победи во историјата на Лигата на шампионите, во овој момент е изедначен со Икер Касиљас (98).

Реал Мадрид: Навас, Карвахал, Касемиро, Варан, Марсело, Ковачиќ, Крос, Модриќ, Иско, Роналдо, Бензема.

Недостасуваат: Начо (повреда), Рамос (суспендиран)

Јувентус: Буфон, Де Шиљо, Бенатија, Киелини, Алекс Сандро, Кедира, Пјаниќ, Матуиди, Квардадо, Игуаин, Даглас Коста

Недостасуваат: Дибала (суспендиран), Бентакур (суспендиран), Бернанрдески (повреден), Брзаљи (настинка)