Јувентус изгуби, Италијанците „удрија“ по Влаховиќ – забележана и неговата реакција по измената

Фудбалерите на Јувентус во вчерашниот натпревар од Лигата на шампионите доживеаа неочекуван пораз од Штутгарт и тоа на домашен терен.

По победите над ПСВ Ајндховен и РБ Лајпциг, навивачите се надеваа на трета победа во низа, но тимот во овој дуел целосно потфрли и германскиот претставник целосно ја надигра „старата дама“.

По натпреварот повторно мета на критики беше Душан Влаховиќ и тоа не е првпат од сезоната. Италијанските медиуми го оценија Влаховиќ и со оценка 4.5, единствен полошо оценет играч беше Данило кој зарботи црвен картон.

Забележана беше и реакцијата на српскиот напаѓач на клупата откако Мота го замени.