Ја „ставил“ сопругата на Манчестер Сити и – ја изгубил!

Жесток навивач на Манчестер Сити од Танзанија по име Амани Стенли во викендот кој е зад нас остана без својата сопруга…

Стенли одлучил да се обложи со својот пријател Шил Тони, кој повеќе верувам во Манчестер Јунајтед и Жозе Мурињо.

„Ако Сити не ја освои титулата во натпреварот против Манчестер Јунајтед ветувам дека цела недела мојата сопруга ќе биде на располагање на мојот пријател Тони“, напишал Амани во облогот, цврсто верувајќи во тимот на Пеп Гвардиола.

Се беше добро после 45 минути, „граѓаните“ имаа предност од 2:0, но во продолжение од натпреварот Манчестер Јунајтед стигна до пресврт со двата гола на Пол Погба и еден на Крис Смолинг.

На Амани по завршувањето на натпреварот не му останало ништо друго освен својата поубава половина на една недела да му ја препушти на својот пријател.