Ѓоковиќ обезбеди финале и се расплака: Не мислам да застанам тука

Тенискиот турнир на Олимписките игри во Париз ќе има спектакуларно финале, за златниот медал ќе се сретнат Новак Ѓоковиќ и Карлос Алкараз.

Ѓоковиќ за првпат се пласираше во едно финале на Олимписките игри, откако во полуфиналето го победи Лоренцо Музети со резултат 6:4 и 6:2.

Ѓоковиќ со пласманот во финалето веќе обезбеди медал за својата Србија, но и самиот со солзи во очите најави дека ќе биде многу послатко ако го освои златото.

„Јасно е, не планирам да застанам тука, одам на злато во финалето. Не се задоволив само со пласманот во финалето, но сега мора да прославам како што доликува. Обезбедив медал за мојата земја, секогаш имав најголем притисок на Олимписките игри“, изјави Ѓоковиќ.