Што се случува со Сане? Минатата година најдобар, сега заврши на трибини!

Манчестер Сити потешко од очекувањата го победи Њукасл и стигна до четвртата победа, но главна вест во медиумите беше отстранувањето на Лерој Сане од тимот.

Германецот беше еден од најдобрите играчи на „граѓаните“ минатата сезона, па големо изненадување е зошто Гвардиола го испрати на трибините.

Англиските медиуми шпекулираат дека Гвардиола не е задоволен од перформансите и залагањата кои ги прикажува крилниот напаѓач а тренинзите.

„Сане не е повреден, не влезе во тимот поради техничка одлука од моја страна. Нема ништо специјално. Одлуката се должи на тоа што го гледам секој ден и во зависност од мечот. Имаме шест напаѓачи и јас одлучив да играм со двајца напаѓачи, две крила и плус еден на клупата. Токму затоа одлучив дека за тој натпревар Сане не е потребен“, изјави Гвардиола.