Шок за Солскјер на тренингот: Погба во жесток дуел се повредил сам и го повредил Фернандеш!

Манчестер Јунајтед добро изгледаше на натпреварите по рестартот на сезоната, а сега Оле Гунар Солскјер може да се соочи со проблем.

На денешниот тренинг на Јунајтед дошло до повреди на Пол Погба и Бруно Фернандеш и двајцата се под знак прашалник за утрешниот натпревар против Бурнемоут.

Според информациите на англиските медиуми полошо поминал Фернандеш.

Ако двајцата фудбалери се повредени, тогаш нивните повреди доаѓаат во крајно незгоден период бидејќи Јунајтед се врати во борба за место во Лигата на шампионите и изгледаат навистина добро.