Чудна ситуација во Португалија: Од сред натпревар во карантин!

Португалската лига е првенство во сенка на првите топ 5 првенства, но сепак се следи во Европа.

Токму во ова првенство вчера видовме една необична ситуација. Имено, резервниот голман на Беленсенсес практично бил избркан од клупата на полувремето на натпреварот и испратен во карантин.

„На полувремето играчот Андре Мориера мораше да го напушти теренот со одлука на здравствените власти и докторот Грејс Фреитас кој заклучи дека не биле почитувани мерките за претпазливост и дистанца“, стои во соопштението.

Проблемот бил во тоа што Мореира ја делел собата со соиграчот Монтеиро кој една недела претходно бил позитивен на коронавирус. Поради тоа тој не смеел да биде во конкуренција за овој натпревар.