Червар завршил во болница, му била направена операција

Лино Червар со Хрватска имаше проблеми на Светското првенство во Египет, а сега се соочува со проблеми со здравјето.

Хрватскиот стратег во последниот период имаше проблеми со здравјето и мораше да оди на операција, сега за хрватските медиуми зборуваше на оваа тема.

„Направив операција, ми беа отстранети камења во бубрегот. Во болница бев четири дена, ми ставија и катетар за да го прошират каналот. Моето семејство беше со мене и сега се надевам дека тие работи се зад мене. Сепак, имаме проблеми со грбот и дискот што ми го удира нервот. Ќе мора да направам магнтна резонанца па ќе видиме дали ќе треба нова операција или може да се реши со друг метод“, изјави Червар.

Ќе потсетиме после лошиот турнир кој го одигра Хрватска во Египет Червар си замина од селекторската позиција и на негово место дојде Хрвоје Хорват.