Челзи испрати понуда за Милинковиќ-Савиќ

„Кориере дело спорт“ тврди дека Челзи е сериозно заинтересиран за српскиот репрезентативец Сергеј Милинковиќ-Савиќ.

Тухел спрема реконструкција на тимот и како приоритет за средниот ред го посочил токму Милинковиќ-Савиќ.

„Кориере“ тврди дека Челзи нуди 70 милиони евра, но Лацио бара 80 милиони и не брза да ги продаде бидејќи Србинот има уште две години договор.

Но, Челзи сака со преговори да ја намали разликата и побрзо да го договори трансферот, бидејќи конкуренцијата е голема.

Милинковиќ-Савиќ е седум години во Лацио, а неговиот агент истакна дека сега е вистински момент за трансфер и чекор напред во кариерата.

Неколку европски гиганти покажуваат интерес за Србинот, но во моментов Челзи е најконкретен.