Чави тврди: Белингам е добар, но има среќа

Реал Мадрид вчера со пресврт славеше во Ел Класико и победи со 2:1, а херој за „кралевите“ повторно беше Џуд Белингам.

Белингам постигна два гола, а првиот беше вистинско ремек дело. Тој од почетокот на сезоната се наметна како лидер на Реал и еден од најдобрите играчи за врска во светот.

Чави после мечот го анализираше настапот на Белингам и тврди дека Англичанецот имал среќа.

„Белингам е фантастичен играч, но вистината е дека во овој момент има и среќа и се наоѓа во благословен момент. Топките завршуваат кај него, постигнува голови од одбиени топки. Денес направи разлика со својата игра. Вториот гол кој го постигна е наша грешка во одбрана бидејќи знаеме дека се уфрла од позадина, додека првиот е силен удар за кој не може да се додаде многу. Направи разлика на теренот, но ние заслуживме многу повеќе“, изјави Чави.