Чави спрема реконструкција на одбраната, носи засилувања од Челзи и Баерн

Барселона спрема голема реконструкција во одбраната, а прва желба е дефанзивецот на Челзи, Андреас Кристенсен, пренесуваат шпанските медиуми.

Челзи не може да се договори со Кристенсен за нов договор и преговорите се во застој во моментов. Неговиот договор со „сините“ истекува во јуни 2022 година и тој веќе е слободен да преговара со други клубови.

Барселона сака да ја искористи таквата ситуација, но треба да ја победи конкуренцијата бидејќи дефанзивецот е на мета на многу европски гиганти.

Каталонците веќе стапиле во контакт со неговиот агент и спремаат понуда за да го донесат Кристенсен на лето без обештетување.

Барселона исто така е заинтересирана и за Николас Зуле од Баерн Минхен, кој исто така на лето ќе биде слободен агент.