Чави после поразот: Ова многу боли, тешко ќе се преживее

Барселона синоќа доживеа дебакл на „Камп Ноу“ и беше поразена од Реал Мадрид со високи 4:0.

Каталонците така останаа без пласман во финалето од Купот,а Чави призна дека тешко ќе го преживее овој пораз.

„Оваа ноќ тешко ќе се преживее. Ова навистина многу боли, но имаме лига каде што сме први и мора да се вратиме, мора да реагираме. Одигравме многу подобро, но резултатот не го покажува тоа. Ова е навистина страшно“.

„Во првото полувреме бевме многу добри, но во транзиција Мадрид постигна гол за 1:0. Вториот гол не уби. Штета, мора да бидете самокритични и морам да кажам дека одигравме многу лошо второ полувреме“, изјави Чави.